Iqtisodiyot nazariyasi

Kafedra tarixi

“Iqtisodiyot nazariyasi” kafedrasi 1991-yil Toshkent moliya instituti tashkil etilgandan keyin o‘z faoliyatini boshlagan. “Umumiqtisodiy nazariya va iqtisodiy pedagogika” kafedrasi nomi bilan 2009-yilda O‘zbekiston Respublikasi oliy va o‘rta maxsus ta’lim vazirligi ruxsati va Institut Kengashining qaroriga muvofiq kafedra ikki mustaqil kafedraga, ya’ni “Iqtisodiyot nazariyasi” va “Iqtisodiy pedagogika va psixologiya” kafedrasiga ajratildi.

Kafedra Toshkent moliya instituti tarkibida faoliyat yuritayotgan kafedralarning 2013-2014-o‘quv yilidagi reytingida faxrli 3-o‘rinni egallashga sazovor bo‘ldi.

Bugungi kunda kafedrada i.f.d., professorlardan – T.T.Jo‘raev, E.Akromov, Z.Toshmatov, D.Rasulova, i.f.n., dotsentlardan – B.Rustamov, H.Hakimov, L.Ulichkina, D.Bababekova, D.Djumanov, H.Axmedov, U.Zaynutdinova, katta o‘qituvchilardan – O.Mamadiyorov, S.Abdulxalilova, Z.Allaberganov, M.Nuralieva, N.Xasanxonova, SH.SHodmonov, G.Xolikulova, D.Shadieva, B.Eshchanov, assistentlardan – R.Qalandarov, O.Namozov, B.Tursunov, B.Ro‘ziev, B.Vahobov, A.Mamanazarov, iqtisodchi bakalavr va magistrlarni tayyorlashda faol ishtirok etib kelmoqdalar.

O’quv-uslubiy ishlar

Kafedra professor-o‘qituvchilari tomonidan bakalavriaturaning barcha ta’lim yo‘nalishlari uchun “Iqtisodiyot nazariyasi”, “Iqtisodiy ta’limotlar tarixi”, magistratura mutaxassisliklari uchun “Ijtimoiy soha iqtisodiyoti”, “Iqtisodiyotni davlat tomonidan tartibga solish”, “Ijtimoiy sohada biznes”, “Ijtimoiy sohani indekativ rejalashtirish”, “Real sektor iqtisodiyoti”, “Iqtisodiy – ijtimoiy jarayonlarni modellashtirish va prognozlash”, “Ilmiy tadqiqot metodologiyasi”, “Iqtisodiy taraqqiyotning O‘zbek modeli” fanlari o‘qitiladi. Kafedradan o‘qitiladigan barcha fanlardan o‘quv-uslubiy ta’minot to‘liq amalga oshirilgan. Oxirgi 5 yilda kafedrada 4 ta o‘quv qo‘llanma, 5 o‘quv-uslubiy qo‘llanmalar yaratilgan. O‘quv adabiyoti yaratishda professorlar – T.Jo‘raev, E.Akramov, D.Rasulova, dotsentlardan – D.Djumonov, D.Bababekova va L.Ulichkina va kafedraning boshqa o‘qituvchilari faol ishtirok etib kelishmoqda. Hozirgi o‘quv jarayoniga pedagogik texnologiyalarning samarali usullarini amaliyotga qo‘llash bo‘yicha ishlar olib borilmoqda. Kafedrada o‘qitiladigan barcha fanlardan o‘quv-uslubiy komplekslar, ta’lim texnologiyalari, taqdimotlar va video ma’ruzalar yaratilgan.

Bakalavriat:

  • Iqtisodiyot nazariyasi
  • Iqtisodiy ta’limotlar tarixi

Magistratura:

  • Ijtimoiy-iqtisodiy jarayonlarni modellashtirish va prognozlashtirish
  • Iqtisodiy-ijtimoiy taraqqiyotning “O’zbek modeli”
  • Real sektor iqtisodiyoti va uni prgnozlash
  • Ijtimoiy sohani tartibga solish mexanizmi
  • Ijtimoiy soha iqtisodiyoti
  • Ijtimoiy sohada biznes
  • Maxsus fanlarni o’qitish metodikasi

Kafedra professor o‘qituvchilari T.Jo‘rayev, D. Tojiboyeva tomonidan yaratilgan darslik “Yilning eng yaxshi darsligi va o‘quv adabiyoti muallifi” Respublika tanlovining g‘olibi bo‘lishdi. O‘zbekiston Respublikasi Oliy va o‘rta maxsus ta‘lim vazirligi hamda “Iste‘dod” jamg‘armasining II darajali diplomi bilan taqdirlanishdi.

Kafedraning innovattsion faoliyati

Magistraturaning “Iqtisodiyot” mutaxassisligida ta ‘lim olayotgan magistrlar amaliyotlarini Toshkent Bank kollejida, Toshkent Hisob kredit kollejida, Yashnabot  Axborot texnologiyalar kollejida o‘tkazmoqdalar.  Bundan tashqari  Chilonzor kommunal xo‘jaligi va xizmat ko‘rsatish kasb-hunar kolleji, Yashnabot  kompyuter  kasb-hunar kollejlari bilan hamkorlik aloqalarini o ‘rnatgan.
Kafedra 2015- yil 19-21- may kunlari O‘zbekiston Respublikasi Oliy va o‘rta maxsus ta’lim vazirligi tomonidan o‘tkazilgan  “Innovatsion g‘oyalar, texnologiyalar va loyihalar VIII - respublika yarmarkasida” faxriy yorliq bilan taqdirlandi.  Mazkur yarmarkada 12 million so‘mdan ortiq innovatsion shartnomalar imzolandi.

Kafedra 2014- yil yakunlari bo‘yicha kafedralar reytingida 3-o‘rinni egallaganligi uchun  III darajali diplom bilan taqdirlandi.

Ilmiy tadqiqot ishlari

Kafedrada ilmiy-tadqiqot ishlari quyidagi yo‘nalishlarda olib boriladi:

  1. Milliy iqtisodiyotni innovatsion rivojlanishini moliyaviy ta’minlashning nazariy uslubiy asoslarini takomillashtirish (D.Shadieva)
  2. O‘zbekistonda sug‘urta faoliyatini modernizatsiya qilishning samarali yo‘nalishlarini shakllantirish (G.Xalikulova).
  3. Tejamkorlik tamoyillari va uni ro‘yobga chiqarishning tashkiliy-iqtisodiy asoslarini takomillishtirish (Z.Allaberganov).
  4. Bozor munosabatlari takomillashuvi sharoitida ish haqini takomillashtirishning nazariy-uslubiy asoslari (O.Mamadiyorov).

Ilmiy ishlar natijalari monografiya, ilmiy maqola va ma’ruza tezislari ko‘rinishida chop etilgan. Masalan, oxirgi 3 yilda 4 ta monografiya, 4 ta o‘quv qo‘llanma, 5 o‘quv-uslubiy qo‘llanma, respublika ilmiy jurnal va to‘plamlarida 85 ta, xorijiy jurnallarda 28 ta maqola nashr etilgan. Ilmiy-tadqiqot ishlar natijasi bo‘yicha kafedrada quyidagi 4 ta doktorlik dissertatsiyasi tayyorlanmoqda. Bundan tashqari kafedra professor-o‘qituvchilari F-1 ilmiy grantini yutib yana 3 ta grant loyihasini tayyorlab topshirish ustida ish olib borishmoqa.

Ma’naviy-ma’rifiy ishlari

Ma‘naviyat saboqlari darslari reja  asosida  o‘tiladi. Institut  ma‘naviyat bo‘limi tomonidan rejalashtirilgan “Kafedra haftalik”lari muntazam  talabalar turar joyida  respublikamiz milliy iqtisodiyotida ro‘y berayotgan tarkibiy o‘zgarishlar, turli iqtisodiy yangiliklar  kafedraning yetakchi professor-o‘qituvchilari ishtrokida o‘tkazib kelinmoqda.

Iqtidorli talabalar bilan ishlash

Kafedrada iqtidorli talabalar bilan ishlash reja asosida tashkil qilingan. Moliyaviy menejment fakltetida katta o‘qituvchi Z.Allaberganov “Yosh menejer” nomli iqtidorli talabalar to‘garagini tashkil qilgan.

Ushbu to‘garak doirasida talabalar ilmiy ma’ruzalar, ilmiy maqolalar tayyorlaydilar hamda institut miqyosida tashkil qilinadigan an’anaviy anjumanda ma’ruza bilan chiqadilar.

Bunday to‘garak Hisob va audit fakultetida katta o‘qituvchi O.Mamadiyorov tomonidan “Hisobchi” to‘garagi tashkil qilingan. Ushbu to‘garak doirasida talabalar ilmiy ma’ruzalar tayyorlaydilar va fan doirasida o‘z bilimlarini takomillashtiradilar, kafedra tomonidan har yili o‘tkaziladigan konferensiyaga va “Iqtisodiyot nazariyasi” fanidan olimpiadaga tayyorlanadilar.

Quvonarlisi shundaki “Kredit-iqtisod” fakulteti talabasi Xolmurodov Sunnatillo 2012-yilda “Iqtisodiyot nazariyasi” fanidan o‘tkazilgan fan olimpiadasida faxrli 3-o‘rinni, 2013-yilda esa eng yuqori 1-o‘rinni egallagan.

Bog’lanish uchun ma’lumotlar:

Manzil: 100000, A.Temur shoh ko’chasi 60a uy. Metroning “Minor” bekati.

Tel: (99871)2351772

E-mail: This email address is being protected from spambots. You need JavaScript enabled to view it.

BOG`LANISH

Toshkent Moliya Instituti

  • Manzil: 100000 Toshkent shahri, A.Temur ko`chasi 60A
  • Telefon: (8 371) 234-53-34
  • Faks: (8 371) 234-11-48
  • Email: admin@tfi.uz
  • Ishonch telefoni: (8 371) 235-77-66
  • Jamoat transporti: 10,17,19,24,38,51,60,67,72,93,115,140
  • Ish tartibi: 09:00 dan 18:00 gacha

Hozir saytda

Hisoblagich

uz certified

Top
We use cookies to improve our website. By continuing to use this website, you are giving consent to cookies being used. More details…