Тошкент молия институтида «Референдум-2023: Конституциям-қадру қимматим» шиори остида тадбир бўлиб ўтди
Жорий йилнинг 1 апрель куни Тошкент молия институтида «Референдум-2023: Конституциям-қадру қимматим» шиори остидаги тадбир ташкил этилди.
Унда Олий Мажлис Қонунчилик палатаси вакиллари, элимиз ардоғидаги санъаткор ва актёрлар, институт раҳбарияти, профессор-ўқитувчилари ҳамда талаба-ёшлар иштирок этишди.
Концерт дастури форматида ўтказилган тарғибот тадбирида санъаткорлар, профессор-ўқитувчилар, талаба-ёшлар сўз олиб, барчани 30 апрелга белгиланган Референдумда фаол бўлишга, иштирок этишга чақирди.
Ўзбекистон Республикаси Қуролли Кучлар Марказий ашула ва рақс ансамбли Хор жамоаси, «Ўзбекконсерт»эстрада бирлашмаси, «Молиячи гулшани» ансамбли хонандалари ижросида қўшиқлар гулдастаси тадбир иштирокчиларига юқори кайфият улашди.
23:12 / 2023-04-01
