Toshkent moliya instituti talabalari Sibir Federal Universitetida tashkil etilgan “Yozgi Universitet-2022” loyihasi doirasida Gastronomiya institutida bo‘lishdi
Rossiya Federatsiyasi Krasnoyarsk shahrida tashkil etilgan “Yozgi Universitet-2022” loyihasi bo‘yicha rejalashtirilgan tadbirlar doirasida Toshkent moliya instituti talabalari Rossiya Federatsiyasida yagona bo‘lgan Sibir Federal Universiteti qoshidagi Gastronomiya instituti faoliyati bilan tanishishdi.
Gastronomiya instituti faoliyati bilan tanishish jarayonida talabalar gastronomiya faoliyati sohasida biznesni yuritish, unda amal qilish kerak bo‘lgan asosiy qoidalar to‘g‘risida ma’lumot olishdi. Shuningdek, talabalar gastronomiya sohasida mehmonlarni kutib olish qoidalari, salqin ichimliklar tayyorlash jarayonlari va turli millatlarga mansub milliy taomlarni tayyorlash jarayonlari bilan tanishib, amaliyotda ularni sinab ko‘rishdi.
Toshkent moliya instituti talabalari va professor-o‘qituvchilari ushbu jarayonlarda faol ishtirok etishdi va sertifikatlarga ega bo‘lishdi.
12:16 / 2022-07-25
