Тошкент молия институти ҳамда АТБ Тенге Банк ўртасида ўзаро ҳамкорлик тўғрисида Меморандум имзоланди
Жорий йилнинг 16 декабрь куни Тошкент молия институти ва АТБ Тенге Банк ўртасида ўзаро ҳамкорлик тўғрисида Меморандум имзоланди.
Тадбирда ректор Т.Тешабаев, Молия-иқтисод ишлари бўйича проректор Ш.Синдаров, АТБ Тенге Банк Бошқарув раиси Т.Аюпов, Банкнинг бошқарув раиси ўринбосари У.Таваккалов иштирок этди.
Мазкур Меморандум Банкнинг малакали кадрларга бўлган эҳтиёжини қондиришга йўналтирилган таълим ва илм-фан соҳасида инновацион ҳамкорлик алоқаларини йўлга қўйишдан иборатдир.
Таъкидлаш жоизки, бугунги кунда Тошкент молия институтида таълим, фан ва ишлаб чиқариш интеграцияси, талабалар бандлигини таъминлаш борасида кўплаб амалий ҳамкорлик алоқалари йўлга қўйилмоқда.
ТМИ ахборот хизмати
19:23 / 2022-12-16
