Қўшма факультет талабалари учун замонавий ўқув аудиториялари фойдаланишга топширилди
Полоцк давлат университети ректори Олег Александрович Романов ҳамда ўқув ишлари бўйича проректор Голубев Юрий Петрович амалий ташриф билан Тошкент молия институтида эканлигини хабар қилган эдик.
Шу куннинг ўзида Тошкент молия институти ректори Тешабаев Тўлқин Закирович ҳамда Полоцк давлат университети ректори Олег Александрович Романов ТМИ-ПДУ қўшма факультети жойлашган бинода тўлиқ таъмирланиб, замонавий жихозланган ўқув аудиторияларининг очилишида иштирок этдилар.
Мазкур аудиторияларда талабаларга яратилган шароитлар билан танишиш билан бир қаторда, қўшма факультетда таҳсил олаётган талабалар билан суҳбат уюштирилди.
Қўшма факультет талабалари Полоцк давлат университети ректори О.Романовдан Беларус давлатида ўқиш, яшаш ва талабаларга яратилган шароитлар тўғрисида батафсил маълумот олиш имкониятига эга бўлди.
08:05 / 2021-11-12
