Бугунги мамлакатимизда ёшларни олий таълимга қамровини кенгайтириш, уларга янада кенг имконятлар яратиш борасида салмоқли амалий ишлар қилинмоқда.  Хусусан, талабалик бахтига муяссар бўлган ёшларимизга ҳам кўрсатилаётган эътибор ва яратилаётган имкониятлар шулар жумласидандир.

Жумладан:

•  Кундузги, сиртқи ёки кечки таълимда таҳсил олаётган талабалар 2021 йил 1 ноябрга қадар коронавирусга қарши вакцина олса, стипендиясиз базавий тўлов-контракт миқдорларига бир марталик 10 фоиз чегирма (бонус) берилади;
• коронавирус инфекциясига қарши эмланган (вакцина олган) абитуриентларга белгиланган табақалаштирилган тўлов-контрактнинг минимал миқдорига бир марталик 10 фоиз чегирма (бонус) берилади.

Ўзбекистон Республикаси Президентининг 2021 йил 13 июлдаги “Ёшларни ҳар томонлама қўллаб-қувватлаш ва уларнинг ижтимоий фаоллигини янада оширишга оид қўшимча чора-тадбирлар тўғрисида”ги ПФ-6260-сон Фармонига мувофиқ:
 

• “Темир дафтар”га киритилган оилаларнинг давлат олий таълим муассасаларида таълим олаётган фарзандларига 2021/2022 ўқув йилида биринчи ўқув йили учун тўлов-контрактнинг тўлиқ суммаси Давлат бюджети маблағлари ҳисобидан қоплаб берилади.

Ўзбекистон Республикаси Вазирлар Маҳкамасининг 2021 йил 17 сентябрдаги “Ота-онаси ёки уларнинг биридан арилган муҳтож қизлар ва боқувчиси йўқ ёлғиз аёллар олий таълим олишини моддий жиҳатдан қўллаб-қувватлаш чора-тадбирлари тўғрисида”ги 585-сон қарорига асосан:
 

– маҳаллий ҳокимиятлар ўзларининг ҳудудларидан ўқишга кирган 100 нафар хотин-қизлар учун маҳаллий бюджет маблағлари ҳисобидан базавий тўлов-контракт суммасини тўлаб беради;

• молиявий барқарор давлат олий таълим муассасалари томонидан уларнинг кенгашлари қарорига мувофиқ 50 нафаргача хотин-қизлар биринчи ўқув йили учун бепул ўқитиб берилади.

Ўзбекистон Республикаси Вазирлар Маҳкамасининг 2021 йил 24 сентябрдаги “Ижара ҳуқуқи асосида яшаётган талабалар томонидан тўланадиган ижара тўловларини қоплаб бериш тизимини жорий этиш чора-тадбирлари тўғрисида”ги 605-сон қарорига асосан:

- талабалар турар жойи билан қамраб олинмаган талабаларнинг 60 фоизига ойлик ижара тўловининг 50 фоизи Давлат бюджети ҳисобидан қоплаб берилади. Бунда ижара тўловининг қоплаб бериладиган қисми Тошкент шаҳрида – БҲМнинг 1 баравари (270 минг сўм) дан ошмаслиги лозим.

- ушбу имконият давлат олий таълим ташкилотларида таҳсил олаётган ва ўзига, шу жумладан ота-онаси (қонуний вакиллари)га тегишли бўлмаган уйда ижара ҳуқуқи асосида яшайдиган эҳтиёжманд оила фарзандларига, ўрнак кўрсатган, фаол талабалар учун татбиқ этилади.

Талабалар диққатига!

Юқоридаги имтиёзлардан фойдаланиш учун тегишли ҳужжатларни факультет деканатига тақдим этиш лозим.