Тошкент молия институти «Менежмент ва маркетинг» кафедраси профессорлари Т.Тешабаэв, Ш.Аллаяров, доцент  Н.Алиэва ҳаммуаллифлигида «Тизимли менежмент» дарслиги чоп этилди.

Дарсликда тизимли менежмент ва уни ташкил этиш зарурияти, тизимли менежментнинг таркиби,  корхона   рақобатбардошлигини оширишда тизимли менежментнинг роли, тизимли менежмент элементлари ва функциялари ёритилган. Мазкур дарслик менежмент тизимидаги функционал блоклар, менежмент тизимида қуйи тизимлар ва уларнинг хусусиятлари, ташкилотда персоналларни бошқариш тизими, ташкилотда ахборот тизими менежменти, тадбиркорлик компонентларини шакллантириш тўғрисидаги маълумотларни ўз ичига олган. Дарсликда бизнес жараёнларни тизимли бошқариш, менежмент  тизимида қуйи тизимлардан мақсадли қуйи тизим, комплекс функционал қуйи тизим ва таъминловчи қуйи тизим ҳамда менежмент тизимини самарадорлиги ва уни баҳолаш  бўйича назарий маълумотлар баён этилган.

Дарслик олий ўқув юртларининг Менежмент магистратура мутахассисликлари талабаларига, илмий изланувчиларга ҳамда мазкур фанни ўқитадиган профессор-ўқитувчиларга мўлжалланган.