Раҳбарият
Раҳбарият

Ректор

 

Азизов Улуғбек Ўктамович

Иқтисод фанлари номзоди, доцент

Боғланиш учун маълумотлар:

Қабул вақти: Сешанба: 10:00-13:00

                     Жума:  15:00-17:00

Тел: (99871) 2345334

Э-маил: rector@tfi.uz  , @tmi_murojaatlar , @tfi_news

Азизов Улуғбек Ўктамович 1976-йилда туғилган.Маълумоти олий, иқтисод фанлари номзоди, доцент.

 

1998-2011 йилларда Ўзбекистон Республикаси банк тизимида (1998-2005 йиллар ўриндошлик асосида Тошкент молия институти банк иши кафедраси ўқитувчиси) фаолият кўрсатган.

 

2005-2007 йилларда Ёкогама Миллий университети (Япония) магистратурасида таҳсил олган.

 

2011-2012 йилларда Ўзбекистон Республикаси Президенти девонида етакчи консултант лавозимида, 2012-2015 йилларда Тошкент молия институтининг ректори лавозимида, 2015-2016 йилларда Ўзбекистон Республикаси Вазирлар Маҳкамасининг Ёшларга оид сиёсат, таълим, маданият ва спорт масалалари ахборот таҳлил департаментининг таълим масалалари бўйича сектор мудири вазифасида меҳнат қилган.

 

2016-2017 йилларда Ўзбекистон Республикаси Президенти девонида Фан, таълим, соғлиқни сақлаш ва спортни ривожлантириш масалалари бўйича давлат маслаҳатчиси вазифасини бажарувчиси, 2017-2018 йилларда давлат маслаҳатчиси ўринбосари лавозимида фаолият кўрсатган.

 

2018-йилнинг 3-сентябридан Тошкент молия институти ректори лавозимида фаолият кўрсатиб келмоқда.



 

O‘quv ishlari bo‘yicha prorektor

 

Қўзиев Исломжон Неъматович

Иқтисод фанлари доктори, доцент

Боғланиш учун маълумотлар:

Қабул вақти: Ҳар куни: 09:00 -17:00

Тел: (99871) 2349032

E-mail: puib@tfi.uz

 

Қўзиев Исломжон Неъматович 1973 йилда Жиззах вилояти Дўстлик туманида таваллуд топган.

 

Олий иқтисодий маълумотга эга. Иқтисод фанлари доктори, доцент.

 

1995-йилда Тошкент Молия институтининг «Бухгалтерия ҳисоби, назорат ва таҳлил» мутахассислигини имтиёзли диплом билан тамомлаган.

 

1995-1998 йиллар мобайнида Тошкент молия институтининг кундузги бўлим аспирантурасида тахсил олган.

 

1999-2001 йилларда Тошкент молия институти «Бухгалтерия ҳисоби ва назорат» кафедрасида ассистент лавозимида ишлаган.

 

2001-йилда «Пахтачиликда ишлаб чиқариш харажатлари ҳисоби ва назоратини такомиллаштириш» мавзусидаги номзодлик диссертациясини муваффақиятли ҳимоя қилган.

 

2001-2004 йилларда Тошкент молия институти «Бухгалтерия ҳисоби» кафедрасида катта ўқитувчи лавозимида ишлаган. 2004-2006 йилларда ушбу кафедрада доцент лавозимида ишлаган.

 

2006-2013 йилларда Тошкент молия институти Магистратура бўлими бошлиғи муовини лавозимида ишлаган.

 

2013-2016 йилларда Тошкент молия институтининг «Аудит» кафедраси мудири лавозимида фаолият кўрсатган.

 

2017 йилнинг 13 январидан Тошкент молия институти ўқув ишлари бўйича проректори лавозимида фаолият кўрсатиб келмоқда.

 

2017-йилда «Иқтисодиётни модернизациялаш шароитида аудиторлик ҳисоботини тузиш ва умумлаштириш методологиясини такомиллаштириш» мавзусидаги докторлик диссертациясини муваффақиятли ҳимоя қилган.

 

Илмий ишлар ва инновациялар бўйича проректор

Каримқулов Жасур Имомбоевич

Иқтисод фанлари номзоди, доцент

Боғланиш учун маълумотлар:

Қабул вақти: Чоршанба: 15:00-18:00,

Жума: 10:00-12:00

Тел: (99871) 2352076

E-mail: iipb@tfi.uz  Виртуал қабулхона

 

Каримқулов Жасур Имомбоевич 1982-йил 22-декабрда Тошкент вилоятининг Паркент туманида туғилган, миллати ўзбек, маълумоти олий.

 

Ж.Каримқулов 2004-йилда Тошкент молия институтининг «Молия-иқтисод» факультети бакалавр таълим йўналишини, 2006-йилда «Қимматли қоғозлар ва биржа иши» магистратура мутахассислигини тамомлаган.

 

2003-2004-йиллар мобайнида Тошкент молия институти «Камолот» ёшлар ижтимоий ҳаракати бошланғич мутахассиси, 2005-2006-йиллар Тошкент банк коллежи «Банк иши» кафедраси ўқитувчиси, 2006-2010- йилларда Тошкент молия институти «Молия бозори ва қимматли қоғозлар» кафедраси ассистенти, 2011-2012-йилларда Тошкент молия институти «Молия бозори ва қимматли қоғозлар» кафедраси катта ўқитувчи ва «Лойиҳаларни молиялаштириш» факультети декани муовини.

 

2013-2015-«Молия бозори ва қимматли қоғозлар» кафедраси доценти вазифасини бажарувчи ҳамда «Магистратура бўлими» бошлиғи муовини 2015-2017-йилларда «Бюджет ҳисоби ва давлат жамғармалари» факультети декани, 2017-йилнинг 13-сентябридан Тошкент молия институти илмий ишлар бўйич проректори лавозимида фаолият кўрсатиб келмоқда.

 

Шу билан бирга, 2012-йилда 08.00.07 – «Молия, пул муомаласи ва кредит» ихтисослиги бўйича номзодлик диссертациясини муваффақиятли ҳимоя қилган. Унинг шу кунга қадар 10 га яқин ўқув қўлланмалари, 30 дан ортиқ илмий мақола ва тезислари республикамиз ҳамда хорижий давлатларнинг журналлари ва халқаро конференция материалларида чоп этилган.

 

Ж.Каримқулов рус ва инглиз тилларида мукаммал гаплашади.

 

2014-йилда Чехия давлатида «УНИВEРСИТЙ ОФ ЭCОНОМИCС АНД МАНАГEМEНТ» университетида малака ошириб ва тажриба алмашиб келган.

 

Ёшлар билан ишлаш бўйича проректор

 

 

 

Мухамедов Фарход Турсунбаевич

иқтисод фанлари номзоди, доцент

Боғланиш учун маълумотлар:

Қабул вақти: Чоршанба: 15:00-18:00,

Жума: 10:00-12:00

Тел: (99871) 2343204

E-mail: yolibp@tfi.uz  Виртуал қабулхона

 

Мухамедов Фарход Турсунбаевич 1983 йил 10 сентябрда Сирдарё вилояти, Сирдарё туманида хизматчи оиласига таваллуд топган, миллати ўзбек, маълумоти олий.

 

Ф.Мухамедов 2004 йилда Тошкент молия институтининг “Молия-иқтисод” факультетини, 2006 йилда шу институтнинг магистратурасини “Қимматли қоғозлар ва биржа  иши ” мутахассислиги бўйича битирган. У 2007 йилда Тошкент молия институти “Қимматли қоғозлар бозори” кафедрасида ассистент, 2007-2012 йилларда “Молия инжиниринги ва бозорлар” кафедрасида ассистент, катта ўқитувчи ва Магистратура бўлими бошлиғининг илмий ишлар бўйича муовини лавозимларида ишлади.

 

2012-2014 йилларда Тошкент давлат иқтисодиёт университетининг “Давлат молияси ва солиқлар” кафедраси катта ўқитувчиси, доценти, “Бизнес” факультети декан муовини, 2014 йил 26 июндан “Менежмент” факультети декани лавозимларида ишлади.

 

Ф.Мухамедов 2014 йил 26 августдан Тошкент молия институтининг Маънавий-маърифий ишлар бўйича проректори этиб тайинланди. Ф.Мухамедов педагогик фаолиятини олиб бориш билан биргаликда  2012 йилда “Ўзбекистонда қимматли қоғозлар савдо тизимларини такомиллаштириш” мавзусидаги номзодлик диссертациясини муваффақиятли ҳимоя қилди ва иқтисод фанлари номзоди илмий даражасини олди. Ўтган давр мобайнида Ф.Мухамедовнинг ҳаммуаллифликда яратилган 12 та ўқув қўлланмаси нашр этилган ҳамда 40 дан ортиқ мақола ва тезислари чоп этилган. Ф.Мухамедов ҳозирда институтнинг Ёшлар билан ишлаш бўйича проректори лавозимида ишлаб келмоқда.  

 

Ф.Мухамедов 2014 йилда Чехиянинг Life Sciences университетида малака оширган. 2018 йилда Хорватиянинг Дубровник университетида Erasmus+ Staff week алмашинув дастурида ва Россиянинг Урал давлат иқтисодиёт университети билан ҳамкорлик  алоқаларини ўрнатиш учун ташрифларда иштирок этган.     

 

Ф.Мухамедов оилали, икки нафар фарзанди бор.

 

 

Success helper
Success warning