2022 йил 7 февраль куни Тошкент молия институтида Германия Федератив Республикасининг Ўзбекистондаги элчихонаси вакили билан ўзаро манфаатли ҳамкорликни кенгайтириш бўйича учрашув бўлиб ўтди.

Учрашувда Германия Федератив Республикасининг мамлакатимиздаги элчихонасининг таълим ва ижтимоий масалалар бўйича маслаҳатчиси жаноб Симон Кречмер ва институтнинг Илмий ишлар ва инновациялар бўйича проректори и.ф.д., доцент А.Исламкулов ҳамда Халқаро ҳамкорлик бўлими раҳбар-ходимлари  иштирок этдилар.








Учрашув давомида институт ўқув жараёнига Германия Федератив Республикасидан профессор-ўқитувчиларни жалб этиш, мазкур хорижий давлат ҳукумати томонидан эълон қилинадиган грантларда институт вакилларининг иштирок этиш имкониятларини кенгайтириш, ўтказиладиган халқаро илмий-амалий конференция ва ёзги мактабларда Германиялик етакчи мутахассислар иштирокини таъминлаш, институт томонидан бажариладиган фундаментал ва амалий грантларига Германия олий таълим муассаларидаги малакали мутахассисларни эхперт сифатида жалб қилиш масалалари муҳокама этилди ва ушбу йўналишларда аниқ натижаларга эришиш бўйича келишувларга эришилди. 





Германия Ҳукумати томонидан эълон қилинадиган барча грант дастурлари ҳақида қуйидаги сайтлар орқали тўлиқ маълумот олишингиз мумкин:

www.funding-guide.de

www.study-in.de

www.daad.de

www.studiednwahl.de 

www.research-ingermany.org 

www.phdgermany.de

www.studienkollegs.de 

www.uni-assist.de 

www.onset.de 

www.testas.de