Корея Республикаси Статистика идораси делегацияси вакиллари Тошкент молия институтига ташриф буюрди
Жорий йилнинг 16 май куни Тошкент молия институтига Корея Республикаси Статистика идораси делегацияси ташриф буюрди.
Ташриф давомида делегация аъзолари институт раҳбарияти билан келгусида статистика соҳасида икки томонлама ҳамкорлик истиқболлари тўғрисида фикр алмашиб, институтда фаолият юритаётган «Статистика лабораторияси» билан танишди ҳамда кафедра профессор-ўқитувчилари ва талабалар билан учрашиб ўзаро тажрибалар алмашишди.
Шунингдек, меҳмонлар институтнинг замонавий ахборот-ресурс маркази ҳамда “Digital finance” инкубация ва акселерация маркази фаолияти билан ҳам танишди.
17:59 / 2023-05-16
