Молия институти – замонавий билим ва юксак маънавият маскани
Тошкент молия институтида 2023 йил 22 май куни ўтказилган навбатдаги “Очиқ эшиклар куни” тадбири олий таълим муассасаларига кириш остонасида турган мактаб ўқувчиларини институтнинг ўқув, илмий, ёшлар билан ишлаш жараёнлари билан яқиндан таништириш мақсадида “Молия” кафедраси томонидан ташкил этилди.
Институтнинг бу галги меҳмонлари Юнусобод туманидаги 43-сонли ихтисослашган давлат умумтаълим мактабининг бир гуруҳ иқтидорли ўқувчилари бўлдилар.
Тадбир давомида ўқувчилар институтда мавжуд таълим йўналишлари, магистратура мутахассисликлари, факультетлар ва кафедралар фаолияти, институтнинг Ахборот-ресурс маркази, маъруза заллари, замонавий мултмедия воситалари билан жиҳозланган ўқув аудиториялари, амалиёт хоналари ва талабаларга яратилган шароитлар билан таништирилди.
21:00 / 2023-05-22
