Иқтидорли талабаларни қўллаб-қувватлаш ҳамда муносиб тақдирлашга эътиборни янада кучайтириш мақсадида «Ректор стипендияси» танловини ўтказилишини эълон қиламиз.

Талабаларга «Ректор стипендияси»ни тайинлаш учун қуйидаги мезонларни бажариш белгиланади:

➡️аъло ўқиш(умумий баҳолар сонидан 25% 4 бўлиши мумкин , 2021-2022-ўқув йилида фақат 5 баҳо бўлиши лозим) ва илмий ишларда иштирок этиш;

➡️умумтаълим тайёргарлигини илмий-тадқиқот (ижодий ишлар) ишлари билан уйғунлаштириш;

➡️йўналишлар бўйича конференция (танлов)ларда қатнашиш;

➡️камида иккита эълон қилинган илмий ишлар яъни мақола( тезислар бундан мустасно) мавжудлиги;

➡️давлат тилини ва битта хорижий чет тилни билиш талаб қилинади;

➡️Ўзбекистон тарихини билиш.

➡️тилларни, ахборот технологияларини, Ўзбекистон тарихини билиш бўйича талаб даражаларини тегишли кафедралар белгилайди.

- Пасспорт нусхаси,объективка,синов дафтарчасидан кўчирма;

- деканат, кафедра тавсияномаси;

- илмий (ижодий) иш аннотацияси;

- раҳбарнинг фикр-мулоҳазалари;

- илмий (ижодий) ишга тақриз;

- илмий ишлар рўйхати ва уларнинг босма нусхалари.

Барча ҳужжатлар бир нусхада тақдим қилинади. Танловда бакалавр 2,3,4 курс талабалари, магистратура бўлимидан 2 курс магистрантлари иштрок этиши мумкин. Ҳар бир факультетдан 1 та ғолиб талаба берилади.

Ҳужжатлар 2022 йил 15 декабрь кунига қадар "Иқтидорли талабаларни илмий-тадқиқот фаолиятини ташкил этиш" бўлимида қабул қилинади.

Кечиккан ва талабга жавоб бермайдиган ҳужжатлар қабул қилинмайди.

ТМИ ахборот хизмати