2021 йил 20 ноябрь куни «Иқтисодий таҳлил» кафедраси ташаббуси билан «Бизнес-таҳлилни ривожлантиришнинг замонавий тенденциялари ва истиқболлари» мавзусидаги республика илмий-амалий анжумани конференцияси ўтказилди. 

Конференцияни институт илмий-ишлар бўйича проректори проф. Меҳмонов С.У. очиб берди. Конференция спикерлари Санкт-Петербург давлат иқтисодиёт университети «Аудит ва ички назорат» кафедраси мудири, профессор Каморджанова Наталия Александровна, Самарқанд иқтисодиёт ва сервис институти профессори, и.ф.д Пардаев Мамаюнус Қаршибоевич, ТДИУ қошидаги Урал давлат иқтисодиёт университети маркази директори Карлибаева Рая Хожабаевна, Ўзбекистон Республикаси Молия вазирлиги Аудит услубиёти ва аудиторлик ташкилотлари иши сифатини ташқи назоратдан ўтказиш бўлим бошлиғи Баракаев Отабек Отақулович, «ФАЗО-ЛУХE» МЧЖ раҳбари Абдукадиров Афзалхўжа Абрарович, «Иқтисодий таҳлил» кафедраси профессор-ўқитувчиларидан проф.в.б. Сагдиллаева Зулфия Асаналиевна ҳамда доцент Рахимов Матназар Юсупович, Банк иши факультети талабаси Ўктамова Малика ўз маърузалари билан иштирок этишди.

Конференция модератори З.Сагдиллаева тадбир якунида тадбирда иштирок этганларга ўз миннатдорчилик билдирди, тадбирда фаол иштирок этганларга махсус сертификатлар топширилди.