Талабамиз Сочи шаҳрида бўлиб ўтган молиявий хавфсизлик бўйича халқаро олимпиадада муносиб иштирок этди

Тузилма

Раҳбарият Факултетлар Кафедралар Марказлар ва Бўлимлар Институт кенгаши

Фаолият

Илмий фаолият Халқаро фаолият Молиявий фаолият Маданий фаолият

Фойдали манбалар

INTERNATIONAL TRAINING AND METHODOLOGY CENTRE FOR FINANCIAL MONITORING

Талабамиз Сочи шаҳрида бўлиб ўтган молиявий хавфсизлик бўйича халқаро олимпиадада муносиб иштирок этди

2022 йил 11-октабр куни Россия Федерациясининг Сочи шаҳри Сириус федерал округида Молиявий хавфсизлик бўйича II Халқаро олимпиадаси бўлиб ўтди. Халқаро олимпиаданинг биринчи босқичида 40 000 та талаба иштирок этди. Энг иқтидорли 500 нафари финалда иштирок этишга муваффақ бўлдилар.

Олимпиадада Ўзбекистон, Россия, Қозогистон, Қирғизистон, Тожикистон, Туркманистон, Белоруссия ва БРИКС давлатлари талаба ва ўқувчилари иштирок этишди.

Тошкент молия институти жамоаси Сочи шаҳрида бўлиб ўтган молиявий хавфсизлик бўйича “Sirius-2022” халқаро форумида иштирок этдилар. Институтимизнинг энг иқтидорли талабаларидан бири Уктамова Малика Тошкент молия институти номидан қатнашди.

Форум доирасида молиявий хавфсизлик масалалари ва Жиноий фаолиятдан олинган даромадларни легаллаштириш ва терроризмни молиялаштиришнинг олдини олиш Евросиё гуруҳи вакиллари ўртасидаги ҳамкорлик масалалари кўриб чиқилди.

Машаққатли интеллектуал беллашувдан сўнг қора денгиз бўйидаги Сириус спорт мажмуасида талабалар ўртасида спорт мусобақалари бўлиб ўтди. Талабамиз Уктамова Малика ўзини маҳоратини спорт ўйинларида ҳам кўрсатиб берди. Ўзбекистон талабалари жамоаси ушбу спорт мусобақасида ютуқли ўринларни эгалладилар.

11:27 / 2022-10-18