Техникумларни муваффақиятли тамомлаган битирувчилар учун суҳбат жараёни давом этмоқда
Хабар қилганимиздек, жорий йилнинг 10 августидан техникумларни муваффақиятли тамомлаган битирувчиларни 2022/2023 ўқув йилида Тошкент молия институтининг бакалавриат таълим йўналишларининг 2-босқичига ўқишга қабул қилиш учун суҳбат жараёни бўлиб ўтмоқда.
Бугун, 16 август куни ҳам Тошкент молия институтида «Бухгалтерия ҳисоби ва аудит» (тармоқлар бўйича) таълим йўналиши бўйича навбатдаги суҳбат жараёни бўлиб ўтди.
Таъкидлаш жоизки, мазкур жараённи шаффоф, холис ўтказиш мақсадида институтда тўғридан-тўғри жонли трансляция қилиниб, техникум битирувчиларининг ота-оналар ва яқинлари бевосита кузатиб бориш имконияти яратилган.
Техникум битирувчиларининг натижалари шу куннинг ўзида, суҳбат жараёни якунлангандан эълон қилинмоқда. Техникум битирувчиларининг ота-оналар ва яқинлари томонидан суҳбат жараёни адолатли, шаффоф ўтказилаётганлиги эътироф этилди.
Суҳбат жараёни жадвал билан танишиш: http://qabul.tfi.uz/?p=237
18:55 / 2022-08-15
