Жорий йилнинг 13 июнь куни Тошкент Молия институтида илк маротаба 2022/2023 ўқув йилидан кадрлар тайёрлашни йўлга қўйиш режаланган 60610200 - Ахборот тизимлари ва технологиялари (молия-банк тизимида) таълим йўналиши ва мутахассислиги бўйича етакчи хорижий олий таълим муассасалари тажрибаси асосида шакллантирилган ўқув режа ва дастурлари кадрлар асосий истеъмолчилари вакиллари иштирокида атрофлича муҳокамадан ўтказилди.

Муҳокамада институт проректори,  ўқув-услубий бошқарма масъул ходимлари, институт ректори маслаҳатчиси Цырельчук И.Н., “Ипак йўли” АТБ банки “Ахборот технологиялари” бошқармаси масъул мутахассислари, “Электрон тижорат ва рақамли иқтисодиёт” кафедраси масъул профессор-ўқитувчилари иштирок этишди.

Ўқув режаларида шакллантирилган фанлар кадрлар асосий истеъмолчилари вакиллари фикри ва талаблари асосида атрофлича муҳокама қилиниб тегишли ўзгартириш ва қўшимчалар киритиш белгиланди.