Тошкент молия институтида ижро интизоми ягона электрон тизимини жорий этиш юзасидан семинар-тренинг ташкил этилди

Жорий йилнинг 5 апрель куни Тошкент молия институтида “UNICON.UZ” давлат унитар корхонаси мутахассислари иштирокида ijro.gov.uz идоралараро ягона электрон ҳужжат айланиш тизимидан фойдаланиш бўйича семинар тренинг бўлиб ўтди. Семинар тренингда мутахассислар томонидан тизимдан фойдаланиш жараёнида юзага келган саволларга батафсил амалий кўрсатмалар билан тушунтириш берилди.

Маълумот ўрнида таъкидлаш жоизки, Тошкент молия институтининг 70 га яқин масъул ходимлари ушбу тизимдан рўйхатдан ўтказилган. Шунингдек, ушбу тизимга институт билан унинг тасарруфидаги Молия академик лицейи, институтга бириктирилган ҳудудлардаги Олтинкўл иқтисодиёт, Ангор иқтисодиёт ва тадбиркорлик ҳамда Марғилон банк-молия техникумлари ҳам мазкур тизимда рўйхатдан ўтказилди. Институт билан улар ўртасида ҳам ижро ҳужжатлари айланиши ушбу тизим орқали амалга оширилиши йўлга қўйилди.