Ўзбекистон Республикаси Олий ва ўрта махсус таълим вазирлигининг 2021 йил 26 августдаги «Республика олий таълим муассасаларида 2021/2022 ўқув йилини бошлаш тўғрисида»ги 366-сонли ҳамда Тошкент молия институти ректорининг 2021 йил 31 августдаги «Ўзбекистон Республикаси Олий ва ўрта махсус таълим вазирлигининг 2021-йил 26 августдаги 366-сон буйруғи ижросини таъминлаш тўғрисида»ги 318-сонли буйруқларига асосан, Тошкент молия институтида янги 2021/2022 ўқув йилини жорий йилнинг 6 сентябридан анъанавий таълим шаклида бошланиши белгиланган. Бу ҳақида институт Ўқув-услубий бошқармаси маълум қилмоқда.

Буйруққа кўра, талабаликка тавсия этилганлар шартномада белгиланган миқдорда ва муддатларда тўлов-контракт маблағларини тўлагунга қадар фармойиш асосида ўқув машғулотларига қатнашишларига рухсат берилади.

• 1-курсга талабаликка қабул қилинган талабаларни 2021 йил 6 сентябрь куни соат 8:30дан кечикмасдан ўзлари таҳсил оладиган факультет деканатига келишларини сўраймиз.
• 1-курс талабалари учун дастлабки икки ҳафта кредит-модуль тизимига кириш ҳафтаси бўлиб, дарс жадвалига мувофиқ синов дарслари қўйилган.
• Шунингдек, шу икки ҳафта давомида 1-курс мактаби тадбирлари ташкил этилиб:
• дастлабки кун ўқув машғулотлари «Мустақиллик дарслари» билан бошланади;
• талабаларнинг институт раҳбарияти билан учрашувлари ташкил этилади;
• талабалар институтнинг турли бўлинмалари, ахборот-ресурс маркази, спорт мажмуаси, институт кафедралари билан таништирилади;
• «Олий таълим жараёнларини бошқариш — HEMIS» ахборот тизимидан фойдаланиш бўйича семинарлар ташкил этилади;
• талабалар ўртасида турли маънавий-маърифий тадбирлар ташкил этилади.

Талабаликка қабул қилинган барча ёшларимизни институт раҳбарияти номидан яна бир бор табриклаймиз.

ТМИ матбуот хизмати