Жорий йилнинг 24 январь куни Ўзбекистон Республикаси Президенти Шавкат Мирзиёев Олий Мажлис Сенати ва Қонунчилик палатасига Мурожаатнома тақдим этди. Шу муносабат билан институт “Молия-Иқтисод” факулътети МКТ(М)-90 гуруҳ талабалари, факулътет декан муовини М.Рустамов ва “Бюджет ҳисоби ва ғазначилик иши” кафедраси доценти Ш.Ғаниевлар Мурожаатномани биргаликда тингладилар. Президент томонидан Олий таълим соҳасида амалга оширилиши кўзланаётган ислоҳотлар, ОТМларнинг ўзини-ўзи молиялаштириши, давлат грантлари сонининг кўпайтирилиши ва айрим йўналишларда таълим олиш муддатини уч йилга қисқартирилиши талабалар томонидан ижобий қабул қилинди.    Шунингдек, талабалар Ўзбекистонда 2020 йилда амалга оширилиши кутилаётган лойиҳалар ва келгуси йилларга мўлжалланган стратегик режалар ҳақида қимматли маълумотларга эга бўлдилар.    

    2020 йил 21 январь куни институт ректори У.Азизов институт тасарруфидаги академик лицей ўқувчилари билан очиқ мулоқот ўтказди. Очиқ мулоқотда институт ректори лицей ўқувчиларига бугунги кунда ёшларнинг билим олишлари ва ўз қобилиятларини рўёбга чиқаришлари учун барча шароитлар яратилганлигини таъкидлади. Очиқ мулоқот жараёнида институт ректори У.Азизов ўқувчилардан нима учун Тошкент молия институтининг академик лицейини танлаганликлари билан қизиқди.       Мулоқотда У.Азизов институтнинг 1-сонли талабалар турар-жойи ва ижарада истиқомат қилаётган лицей ўқувчиларининг турмуш тарзи, ўқиши масаласига алоҳида тўхталиб ўтди. Шунингдек, гуруҳ раҳбарларининг талабалар турар-жойи ва ижарада яшаётган ўқувчилар ҳолидан доимо хабардор бўлиб туришлари зарурлигига эътибор қаратди.        Институт раҳбари академик лицейда таълим сифати, фан тўгаракларининг ташкил этилиши ва унда ўқувчиларнинг қанчалик иштирок этаётганлиги юзасидан лицей раҳбариятининг масъулиятини ошириш зарурлигини таькидлади. Шунингдек, лицей ўқувчиларини фан олимпиадаларида совринли ўринларни олишлари учун тайёрлаш борасида амалга оширилаётган ишларни танқид қилди. У.Азизов очиқ мулоқотда иштирок этган ўқувчиларга математика, химия фанларидан саволлар берди ҳамда келгусида лицейда ўқувчиларни олий таълим муассасаларига ўқишга кириш кўрсаткичларини яхшилаш бўйича ўз тавсияларини берди.        Институт ректори учрашув сўнгида лицей ўқувчиларига уларнинг ўқиш ва ишларида муваффақиятлар тилади ҳамда икки ойдан сўнг яна институтда лицей ўқувчилари билан очиқ мулоқот ўтказишини маълум қилди.    

 “Касбий психология, жисмоний тарбия ва спорт” кафедраси ташаббуси билан институтга Малайзиянинг Байнери университети (Binary University) профессор-ўқитувчилари, профессор PhD. Асиф Маҳбуб Карим (Asif Mahbub Karim) ва доцент Бипинчандра Анопчандлар (Bipinchandra Anopchand) 2020 йилнинг 17 январидан 27 январига қадар институт бакалавриат талабалари учун “Касбий психология” фани доирасида маҳорат дарслари ва семинар-тренинглар ўтказиш учун таклиф этилди.    Улар томонидан 18 январь куни Молия факультети ММ-54 гуруҳида “Иқтисодий муносабатларни бошқариш психологияси” ҳамда “Тадбиркорлик ва маркетинг психологияси” мавзулари доирасида семинар-тренинг ўтказилди. Ушбу тадбирда берилган фикрлар талабаларда қизиқиш уйғотди ва чуқур тааъсурот қолдирди.    

    2020 йилнинг 17 январь куни институт 1-маърузалар залида институт ректори У.Азизов, Мураббийлар кенгаши раиси У.Ражабов ҳамда устоз-мураббийлар иштирокида Президент Шавкат Мирзиёевнинг "Ўзбекистонда коррупсияга қарши курашиш тизимини янада такомиллаштириш тўғрисида"ги фармоннинг ижроси юзасидан давра суҳбати бўлиб ўтди.       Тадбир аввалида институт мураббийлар кенгаши раиси У.Ражабов қатнашчиларга фармон мазмуни, яъни коррупсияга қарши курашиш тизими самарадорлигини ошириш, энг юқори даражадаги қулай ишбилармонлик муҳитини яратиш, мамлакатнинг халқаро майдондаги ижобий обрў-эътиборини оширишга қаратилганлиги ҳақида маълумот бердилар.       Институт ректори У.Азизов коррупсияга қарши курашиш соҳасида жамоатчилик назорати механизмларини самарали қўллашга йўналтирилган “Йўл харитаси” лойиҳаси ишлаб чиқилганлигини ҳамда ҳар бир устоз-мураббийларга яқинлашиб келаётган якуний имтиҳонларнинг шаффофлигини таъминлаш кераклигини ва ҳар бир талабанинг муаммосини адолатли ҳал қилиш вазифасини зиммаларига юклади.