“Талабаларга касбий нутқни ўргатишда АКТдан фойдаланиш” мавзусида мастер-класс ташкил этилди
Жорий йилнинг 27 декабрь куни “Ўзбек ва рус тиллари” кафедраси профессор-ўқитувчилари учун “Талабаларга касбий нутқни ўргатишда АКТдан фойдаланиш” мавзусида мастер-класс ташкил этилди.
Мазкур тадбирда Ўзбекистон Миллий университети доценти, педагогика фанлари номзоди доцент М.Ахмедова ва катта ўқитувчи Ф.Хосиловалар иштирок этишди. Талабаларга касбий нутқни ўргатишда АКТдан фойдаланишнинг усуллари, аудиоматериаллар, визуал машқлар, тематик топшириқларни АКТ орқали бажариш йўллари ҳақида мутахассислар томонидан батафсил маълумот берилди.
Тадбир давомида профессор-ўқитувчилар мавзу бўйича янги билимларга эга бўлдилар ҳамда ўзларини қизиқтирган барча саволларга батафсил жавоб олдилар.
17:09 / 2023-12-27
