Бўлажак молиячиларнинг касбий компетенциясини шакллантиришда видео-кейс методларидан фойдаланиш
Жорий йил 20 январь куни Тошкент молия институти қошидаги академик лицейда Тошкент молия институти «Ўзбек ва рус тиллари» кафедраси томонидан «Бўлажак молиячиларнинг касбий компетенциясини шакллантиришда видео-кейс методларидан фойдаланиш» мавзусида мастер-класс ўтказилди.
Мазкур тадбир давомида Ўзбек ва рус тиллари кафедраси профессор-ўқитувчилари сўзга чиқиб, ўқувчилар тафаккурининг ривожлантириш усуллари, видео-кейс ва тақдимотлар яратишнинг самарали йўллари, намуналар асосида видео-кейсни жамоавий тарзда ечиш, муаммоли вазиятни таҳлил қилиш ҳақида тавсиялар бердилар.
Академик лицей педагог-кадрлари учун кафедра томонидан ўтказилган ушбу мастер-класс давомида маърузачиларга саволлар берилди, барча учун фойдали ва қизиқарли бўлган маълумотлар юзасидан фикр-мулоҳазалар алмашилинди.
14:46 / 2023-01-23
