ҚОЗОН ИННОВАЦИОН УНИВEРСИТEТИ БИЛАН ҲАМКОРЛИК МАСАЛАЛАРИ МУҲОКАМА ЭТИЛДИ
Тошкент молия институти билан ҳамкорлик алоқаларини ўрнатиш ва келгусида ривожлантириш мақсадида Қозон инновацион университети ректори А.Тимирясова бошчилигидаги делегация ташриф буюрди.
Хорижий университет вакиллари иштирокида ўтказилган учрашув муҳокамалари Тошкент молия институти ректори Т.Тешабаев, Ўқув ишлари бўйича проректор С.Мехмонов ва халқаро ҳамкорлик бўлими ходимлари томонидан олиб борилди.
Муҳокамаларда икки томонлама ўқув жараёнига илғор технологияларни жалб қилиш, илмий-тадқиқот соҳасида халқаро нуфузли журналларда мақолалар чоп этиш юзасидан фикрлар алмашилди.
Учрашув якунида Тошкент молия институтининг илмий-тадқиқот соҳасидаги эришган ютуқлари ва орттирган илғор тажрибалари асосида ўзаро ҳамкорлик алоқаларини йўлга қўйишга келишиб олинди.
12:38 / 2022-06-17
