Дедилар: дунёда асли ким азиз?

Айтдилар: устоздир, устоз бегумон.

Тағин айтдиларки: азиз шубҳасиз

Устоз қадрига етолган инсон.
 

Жамиятнинг бугуни ва келажаги, унинг маданий-маърифий ва маънавий салоҳияти таълим тизимининг қай даражада ривожланганлиги билан белгиланади. Таълим-тарбия тизимидаги ислоҳотларнинг муваффақияти кўп жиҳатдан ўқитувчи ва мураббийларга боғлиқ.
 

Бугун, 30 сентябрь куни институтимизда “1 октябрь – Ўқитувчи ва мураббийлар куни” байрами муносабати билан кўтаринки руҳдаги байрам тадбири бўлиб ўтди. 
 

Унда институт раҳбарияти, профессор-ўқитувчилар, педагог ходимлар ҳамда талаба-ёшлар иштирок этди.

Тадбир очилишида ректор Т.Тешабаев сўзга чиқиб, институтда фаолият юритаётган барча устоз-мураббийларни самимий муборакбод этди. Шундан сўнг, олийгоҳда узоқ йиллардан бери фаолият юритиб келаётган педагог ходимларга, профессор-ўқитувчиларга байрамона эсдалик совғалари топширилди.

Байрамга ташриф буюрган санъаткорлар, “Молиячи гулшани” ашула ва рақс ансамбли томонидан ижро этилган куй-қўшиқлар тадбир иштирокчиларига янада кўтаринки руҳ бағишлади.
 

Шунингдек, устоз-мураббийлар учун байрамона дастурхон ташкил этилди.