Dedilar: dunyoda asli kim aziz?
 

Aytdilar: ustozdir, ustoz begumon.
 

Tag‘in aytdilarki: aziz shubhasiz
 

Ustoz qadriga yetolgan inson.
 

Jamiyatning buguni va kelajagi, uning madaniy-maʼrifiy va maʼnaviy salohiyati taʼlim tizimining qay darajada rivojlanganligi bilan belgilanadi. Taʼlim-tarbiya tizimidagi islohotlarning muvaffaqiyati ko‘p jihatdan o‘qituvchi va murabbiylarga bog‘liq.
 

Bugun, 30-sentabr kuni institutimizda “1 oktyabr – O‘qituvchi va murabbiylar kuni” bayrami munosabati bilan ko‘tarinki ruhdagi bayram tadbiri bo‘lib o‘tdi.
 

Unda institut rahbariyati, professor-o‘qituvchilar, pedagog xodimlar hamda talaba-yoshlar ishtirok etdi.












 

Tadbir ochilishida rektor T.Teshabayev so‘zga chiqib, institutda faoliyat yuritayotgan barcha ustoz-murabbiylarni samimiy muborakbod etdi. Shundan so‘ng, oliygohda uzoq yillardan beri faoliyat yuritib kelayotgan pedagog xodimlarga, professor-o‘qituvchilarga bayramona esdalik sovg‘alari topshirildi.
























Bayramga tashrif buyurgan sanʼatkorlar, “Moliyachi gulshani” ashula va raqs ansambli tomonidan ijro etilgan kuy-qo‘shiqlar tadbir ishtirokchilariga yana-da ko‘tarinki ruh bag‘ishladi.
 

Shuningdek, ustoz-murabbiylar uchun bayramona dasturxon tashkil etildi.