Tanlovda bank ishi, iqtisodiyot, banklarda buxgalteriya hisobi, makroekonomika, statistika yoʻnalishlari boʻyicha bakalavriaturaning kunduzgi boʻlimining soʻnggi kursida (4-kursda) hamda magistraturada taʼlim olayotgan talabalar tanlovda ishtirok eta oladi.

2022/2023 oʻquv yili uchun Markaziy bank stipendiyasi 2022-yil 3-oktyabrdan tayinlanadi.


🗂Hujjatlarni qabul qilish muddati - 2022-yil 6 – 9-sentyabr, koʻrib chiqish va tanlov muddati - 12-sentyabr – 16-sentyabr.

Markaziy bank stipendiyasi respublika hududida oʻrnatilgan bazaviy hisoblash miqdorining 3 baravaridan kam boʻlmagan miqdorda belgilanadi.

Markaziy bank stipendiyasini tayinlash uchun quyidagi mezonlar belgilanadi:

✅oʻquv jarayonida (soʻnggi semestr natijalariga koʻra) yuqori reyting koʻrsatkichiga ega boʻlishi;

✅bitta xorijiy tilni mukammal bilish tavsiya etiladi (IELTS - 6.5) sertifikatiga ega boʻlganlarga ustunlik beriladi; 

✅iqtisodiyot boʻyicha xalqaro yoki respublika olimpiadasi gʻolibi yoki sovrindoriga ustuvorlik beriladi.

Markaziy bank stipendiyasiga talabgorlar quyidagi hujjatlarni taqdim qiladi:

🔖maʼlumotnoma (obyektivka), rangli rasm;

🔖pasport nusxasi;

🔖nomzodning reyting (sinov) daftarchasi nusxasi;

🔖Oʻzbekiston Respublikasida faoliyat yuritayotgan xorijiy davlatlar oliy taʼlim muassasalari talabalari uchun oʻrnatilgan tartibda fanlarni oʻzlashtirish bali toʻgʻrisida maʼlumotnoma;
 

🔖nomzodning chet tilini oʻzlashtirganligini tasdiqlovchi hujjatlar, ilmiy ishlanmalari, ilmiy konferensiya va seminarlarda ishtirok etgan maʼruza tezislari va chop etilgan maqolalari (agar mavjud boʻlsa).

Zarur hollarda hujjatlarning asl nusxalari talab etiladi❗️ 

Barcha hujjatlar kopiyasi papkada (Shuningdek, PDF formatda, fayl yigʻmajildida) Toshkent moliya instituti "Iqtidorli talabalar bo'limi" +998 90 012 69 25 (murojaat) topshiriladi. 

Aloqa telefonlari (71) 212-6064, 212-6044.


⌛️Hujjatlarni topshirish muddati: 2022-yil 9-sentyabr soat 17:00 gacha.