ЎЗБЕКИСТОН РЕСПУБЛИКАСИ АДЛИЯ ВАЗИРЛИГИ

ТОШКЕНТ ДАВЛАТ ЮРИДИК УНИВЕРСИТЕТИ

А Х Б О Р О Т   Х А Т И

Ўзбекистон Республикаси Президентининг «2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини «Илм, маърифат ва рақамли иқтисодиётни ривожлантириш йили»да амалга оширишга оид Давлат дастури тўғрисида» 2020 йил 2 мартдаги ПФ-5953-сон Фармони ижросини таъминлаш мақсадида Тошкент давлат юридик университетида  «ЯШИРИН ИҚТИСОДИЁТ КЎЛАМИНИ ҚИСҚАРТИРИШ» мавзусида онлайн Халқаро илмий-амалий анжуман ўтказилади.

Анжуманни ўтказиш вақти: 2021 йил 22 апрель.

Анжуманнинг қуйидаги секциялари бўйича маъруза тезисларини эълон қилиш режалаштирилган:

Секция 1: «Яширин иқтисодиёт» ни ривожланиш сабабларининг назарий асослари.

Секция 2: «Яширин иқтисодиёт» улушини қисқартириш бўйича хориж тажрибаси.

Секция 3: «Яширин иқтисодиёт»га қарши курашишнинг ҳуқуқий асослари.

Секция 4: «Яширин иқтисодиёт» субъектларини аниқлаш механизмларини такомиллаштириш.

Секция 5: «Яширин иқтисодиёт»ни қисқартириш ва унга қарши самарали курашиш йўллари.

Анжуман материалларини расмийлаштиришга қўйиладиган талаблар:

• тезис мавзуси бош ҳарфларда (14 шрифтда) ўртага ёзилиб, кейинги қатордан муаллиф(лар) исми-шарифи, иш жойи, лавозими, илмий даражаси ва унвони ёзилади. Ундан 1,5 интервал пастда хат бошидан тезис матни ёзилади.
• тезислар Microsoft Word docx, Times New Romanда 3-5 тўлиқ бет ҳажмда (ўзбек, рус ва инглиз тилларида) 14 шрифт, 1,5 интервалда, чап томондан 3 см, ўнг томондан 1,5 см, юқори ва паст томондан 2 см қолдирилган ҳолда ёзилади.
• Қайси тилда ёзилишидан қатъий назар тезисларга ўзбек, рус ва инглиз тилларида қисқача аннотация, таянч иборалар (калит сўзлар) матн бошида илова қилинади.
• Матндаги кўчирма охирида иқтибос олинган адабиётнинг рўйхатдаги тартиб рақами ва сахифа номери квадрат қавс ичида берилади, масалан [7, 55].
• фойдаланилган адабиётлар рўйхати (муаллиф фамилиясидан бошлаб) тезис охирида берилади.
• тезис электрон шаклда юборилади.
• тезисларнинг мазмунига, маълумотлар муаллифларга тегишлилиги учун ва келтирилган манбаларнинг тўғрилигига муаллифлар масъул.
• анжуманнинг расмий тиллари: ўзбек, рус ва инглиз.
• анжуман материаллари тўплам ҳолида нашр қилинади. Мақоланинг ҳар бир бети учун 20 000 сўмдан (якка муаллифликда 2 та ва ундан ортиқ тезис юборганларга 10 000 сўм) нашр ҳаражатлари тўланади.

Юқоридаги талабларга жавоб бермайдиган материалларни таҳририят анжуман дастурига ва тўпламга киритмаслик ҳуқуқига эга. Маъруза муаллифларига бепул ҳалқаро сертификат берилади.

Тезислар 2021 йил 10 апрелгача қабул қилинади.

Манзил: 100047, Тошкент шаҳри, Сайилгоҳ кўчаси, 35-уй.

Телефон: +998 99 481 10 15, +998 98 302 56 02

Е-mail: m.d.azimova@gmail.com

ТАШКИЛИЙ ҚЎМИТА

АНЖУМАН ИШТИРОКЧИСИНИНГ АНКЕТАСИ