Joriy yilning may oyida Shavkat Mirziyoyev Respublika ixtisoslashtirilgan onkologiya va radiologiya ilmiy amaliy tibbiyot markaziga tashrif buyurib, markazning bolalar onkologiyasi bo‘limida davolanayotgan bemor bolalar va ularning ota-onalari bilan suxbatlashdi. Muloqot chog’ida bemor, Ergashev Shoxrux Toshkent moliya institutida o‘qish niyati borligini Prezidentga bildirgan hamda uning orzusini qo‘llab-quvvatlashni so’ragan.
Toshkent moliya instituti rahbariyati tibbiyot markazida bo’lib, institutda o‘qish istagini bildirgan Ergashev Shoxrux orzusi ro’yobini amalga oshirish maqsadida TMI-PDU qo‘shma fakultetida tashkil etilgan tayyorlov kursida bepul tahsil olishini kafolatlovchi “Sertifikat”ni taqdim etdilar.
Ma’lumot o’rnida, Shoxrux Ergashev Buxoro viloyati, Jondor tumani, Xumin q.f.y.da istiqomat qiladi. U hozirda tumandagi 12–maktabning 8-sinf o‘quvchisi.
11:56 / 2021-06-09
