Yaponiya xalqaro hamkorlik agentligi (JICA) bilan istiqboldagi hamkorlik vazifalari muhokama etildi
2022-yil 18-yanvar kuni Toshkent moliya institutida Yaponiya xalqaro hamkorlik agentligi (JICA) vakolatxonasi xodimlari bilan o‘zaro manfaatli hamkorlikni kengaytirish bo‘yicha uchrashuv bo‘lib o‘tdi.
Uchrashuvda JICA vakolatxonasi xodimlari Shimmyo Naoki, Farxod Kurbanov va Toshkent moliya instituti Ilmiy ishlar va innovatsiyalar bo‘yicha prorektor i.f.d. A.Islamkulov hamda Xalqaro hamkorlik bo‘limi boshlig‘i PhD. S.Avazxodjaevlar ishtirok etdilar.
Uchrashuv davomida Institut o‘quv jarayoniga JICA ko‘ngillilarini jalb qilish, ilmiy loyihalarni birgalikda amalga oshirish hamda Yaponiya OTMlari bilan aloqalarni yanada kengaytirish bo‘yicha kelishuvlarga erishildi.
18:55 / 2022-01-18
