Joriy yilning 25-may kuni ta’lim sifatini oshirish bo‘yicha dars jarayonini amaliyot bilan integratsiya qilish maqsadida «Budjet hisobi va g‘aznachilik» fakulteti BNG‘-20 guruh talabalari uchun «Elektron tijorat va raqamli iqtisodiyot» kafedrasi v.b.dotsenti I.G‘.Majidova, assistent D.A.Srimbetovalar tomonidan va “O‘zbekiston respublikasi tovar-xom ashyo birjasi” AJ boshqaruv raisi maslahatchisi M.Xaqberdiyeva, “Davlat xaridlari uchun elektron tijorat” bo‘limi boshlig‘i Sh.Xakimovalar bilan hamkorlikda “O‘zbekistonda elektron biznesning o‘rni va rivojlanishi: Bugun va ertaga” mavzusida mahorat darsi tashkil etildi.

Unda «Elektron tijorat va raqamli iqtisodiyot» kafedrasi professor-o‘qituvchilari va «Budjet hisobi va g‘aznachilik» fakulteti dekani muovini M.Ergashboyevlar ishtirok etishdi.
 

​​​​​​​
 

Mavzu bo‘yicha o‘tkazilgan mahorat darsida ma’ruzachilar tomonidan videorolik va taqdimot materiali namoyish etildi, talabalar o‘zlarini qiziqtirgan barcha savollarga javob oldilar hamda o‘qituvchilar I.G.Majidova va D.A.Srimbetovalar tomonidan talabalarga ushbu mavzuga oid keys-muammoli vaziyatlar tashkil etildi.