“Oziq-ovqat xavfsizligini ta’minlash va tahdid darajasini aniqlashning elektron platformasini yaratish” mavzusida master klass tashkil etildi
Joriy yilning 19-oktabr sanasida Toshkent moliya instituti “Iqtisodiyot” fakulteti tasarrufidagi “Iqtisodiy xavfsizlik” kafedrasi tomonidan “Innoweek.uz-2023” haftaligi doirasida Iqtisodiyot fakulteti akademguruhlariga “Oziq-ovqat xavfsizligini ta’minlash va tahdid darajasini aniqlashning elektron platformasini yaratish” mavzusida master klass tashkil etildi. Tadbirda “Milliy iqtisodiyotda oziq-ovqat xavfsizligini ta’minlashning nazariy asoslarini takomillashtirish” mavzusida 5 –yil davomida ilmiy izlanishlar olib brogan, kafedra katta o‘qituvchisi Mamadiyorov Olimjon Umarovich ishtirokchilarga oziq-ovqat xavfsizligini ta’minlash va unga ta’sir qiluvchi omillar haqida ma’ruza qildi.
Master klass samarali tashkil etilgan holda talabalar tomonidan bu boradagi muammolar yuzasidan berilgan savollarga javoblar qaytarildi, tadbir barcha ishtirokchilar uchun foydali bo‘ldi.
17:07 / 2023-10-19
