Toshkent moliya instituti Qo‘shma fakultetining “Umumiqtisodiy fanlar” kafedrasi mudiri Zaripov Xusan Baxodirovich hamda kafedra katta o‘qituvchisi Axmedova Gulmira Turabbayevna amaldagi o‘quv reja asosida 2023-yilning 7-dekabrida Belarus Respublikasining Polotsk davlat universitetiga dars mashg‘ulotlarini olib borish uchun yetib kelishdi.

Xizmat safarining dastlabki kunida Polotsk davlat universitetining “Moliya-iqtisod” fakulteti dekani Pozdnyakova Irina Aleksandrovna hamda “Buxgalteriya hisobi, moliyaviy logistika va menejment” kafedrasi mudiri Maley Yelena Borisovna bilan hamkorlikda qo‘shma dastur asosida amalga oshirilishi lozim bo‘lgan o‘quv-uslubiy hujjatlarni yana bir bor ko‘rib chiqishdi, tegishli yo‘nalishlar bo‘yicha kelishib olishdi.

So‘ngra milliy an’analariga sodiq bo‘lgan holda esdalik sovg‘alarni ulashishdi.

“Umumiqtisodiy fanlar” kafedrasi professor-o‘qituvchilarining xizmat safari davom etmoqda.