Bugun, Toshkent moliya instituti rahbar-xodimlari va professor-oʻqituvchilari ishtirokida Oʻzbekiston Respublikasi Prezidenti Shavkat Mirziyoyev rahbarligida joriy yilning 22-dekabr sanasida oʻtkazilgan Respublika Maʼnaviyat va maʼrifat kengashining kengaytirilgan yigʻilishida maʼnaviyat, maʼrifat, madaniyat, sanʼat va ijod sohalarida amalga oshirilayotgan islohotlar natijadorligi va kelgusidagi ustuvor yoʻnalishlarni belgilash vazifalarining mazmun-mohiyatini keng targʻib qilish yuzasidan institutning 1-maʼruzalar zalida seminar-trening tashkil etildi.

Mazkur seminar-treningda institut rektori Toʻlqin Teshabayev, Yoshlar masalalari va maʼnaviy-maʼrifiy ishlar boʻyicha birinchi prorektor Komila Karimova, Respublika Maʼnaviyat va maʼrifat markazi huzuridagi Ijtimoiy-maʼnaviy tadqiqotlar institutining ilmiy xodimi professor Shaxlo Axrorova, Oʻzbekiston Yozuvchilar uyushmasi aʼzosi, shoir, jurnalist, “Shuhrat” medali sohib, Bolalar va oʻsmirlar adabiyoti kengashi raisi Orif Toʻxtash, Oʻzbekiston Respublikasida xizmat koʻrsatgan madaniyat xodimi, Oʻzbekiston Yozuvchilar uyushmasi aʼzosi, shoir, Bobur Bobomurod hamda barcha fakultet dekanlari, kafedra mudirlari, dekan oʻrinbosarlari, tyutorlar va professor-oʻqituvchilar ishtirok etdi.

Seminar-treningda soha mutaxassislari tomonidan 2023-yilning 22-dekabr kuni Respublika maʼnaviyat va maʼrifat kengashining kengaytirilgan yigʻilishida Prezidentimiz Shavkat Mirziyoyev tomonidan maʼnaviyat, maʼrifat, madaniyat, sanʼat va ijod sohalarida amalga oshirilayotgan islohotlar natijadorligi va kelgusidagi ustuvor yoʻnalishlarni belgilash borasidagi vazifalarining mazmun-mohiyatini keng targʻib qilishga doir fikr-mulohazalar bayon etildi.