“Bank hisobi va audit” kafedrasi o‘qituvchisi Umida G‘aniyevaning “Pul muomalasi va kredit” nomli o‘quv qo‘llanmasi chop qilindi.

O‘quv qo‘llanma O‘zbekistonda uzluksiz ta’limning davlat ta’lim standartlari qoidalariga muvofiq  tayyorlangan bo‘lib,  ta’limning “Ijtimoiy fanlar, biznes  va  huquq”  bilim sohasi bo‘yicha  “Pul muomalasi va kredit”  fanining namunaviy dasturidagi  bo‘limlarini  qamrab olgan.
O‘quv qo‘llanmada pul muomalasi va kreditning vujudga kelishi, rivojlanishi va takomillashuv jarayonining  nazariy  jihatlari,  shuningdek, xalqaro moliyaviy  tashkilotlarning  tashkil  topishi,  vazifa va maqsadlari  qisqa, aniq  va ravon tilda bayon qilingan.
Qo‘llanmada O‘zbekiston  pul va bank tizimining tashkil  etilishi  va o‘ziga  xos  jihatlari,  shuningdek,  mamlakatimizning  xalqaro  moliyaviy  institutlar  bilan  amalga  oshirilayotgan  o‘zaro  iqtisodiy  hamkorlik  masalalariga  alohida  e’tibor  berilgan.