“Menejment va marketing” kafedrasining ish grafigiga ko‘ra, “Menejment va marketing” va “Iqtisodiyot” kafedralari pedagog-xodimlari uchun Artel kompaniyasi “QUALITY ELECTRONICS” MChJ QK bo‘lim boshlig‘i S.Ibragimov tomonidan “Iqtisodiyot tarmoqlari uchun zamonaviy rahbarlar qiyofasini shakllantirish muammo va yechimlari” mavzusida master-klass tashkil etildi. Unda Artel kompaniyasi “QUALITY ELECTRONICS” MChJ QK misolida iqtisodiyot tarmoqlari uchun zamonaviy rahbarlar va ularga qo‘yiladigan talablar, rahbar imijini shakllantirish masalalari, boshqarish jarayonidagi yuzaga keladigan muammolar va ularning yechim yo‘llari yuzasidan fikrlar almashilib, oliy ta’lim va ishlab chiqarish integratsiyasini yanada mustahkamlash, ta’lim sifatini yaxshilashning bosh masalasi ekanligi ta’kidlandi. Tadbir kafedra professor-o‘qituvchilari hamda mutaxassis bilan qiziqarli savol-javob ko‘rinishida o‘tkazildi.