“InnoWeek.Uz-2023” халқаро инновацион ғоялар ҳафталиги якунлари бўйича Тошкент молия институти ва Қорақалпоғистон Республикасининг Мўйноқ тумани ҳокимлиги ўртасида умумий қиймати 250 млн сўмлик қуйидаги йўналишларда илм-фан, таълим ва ишлаб чиқариш интеграциясини чуқурлаштиришга қаратилган меморандум имзоланди:

✅Ёшларнинг тадбиркорлик кўникмаларини ривожлантириш ва стартап лойиҳаларни қўллаб – қувватлашга қаратилган Инкубация дастури;

✅Мўйноқ туманини ижтимоий-иқтисодий ривожлантириш, ёшларнинг инновацион лойиҳалари ва стартапларини қўллаб-қувватлаш;

✅Кичик бизнес субъектларини ривожлантириш ва инвестициялар жалб этишга қаратилган Акцелерация дастури;

✅Екологик инновацияларни рағбатлантириш, Оролбўйи ҳудудида ёшларнинг инновацион лойиҳаларини амалга оширишга кўмаклашиш;

✅Кадрлар тайёрлаш ва малакасини ошириш юзасидан ўзаро ҳамкорликни йўлга қўйиш.

Мазкур меморандум доирасида Тошкент молия институти жамоаси иштирокида Қорақалпоғистон Республикасининг Мўйноқ тумани ҳудудида ёшларнинг тадбиркорлик кўникмаларини ривожлантириш, янги инновацион лойиҳалар ва стартапларни амалга ошириш, шунингдек, экологик инновацияларни рағбатлантириш ва Оролбўйи ҳудудида ёшларнинг инновацион лойиҳаларини амалга оширишга кўмаклашиш чоралари кўрилади.

ТМИ ахборот хизмати