Buxgalteriya hisobi va audit fakultetida 28-oktyabr kuni fakultetda tahsil olayotgan talaba-qizlar bilan uchrashuv tashkil etildi. 
 

Tadbirda institut Xotin-qizlar kengashi rahbari B.Nurmuhamedova, fakultet Xotin-qizlar kengashi rahbari N.Abdiyeva, tyuter H.Inoyatova va talaba-qizlar ishtirok etdi.



 

 Davra suhbati davomida fakultet talaba-qizlariga Toshkent moliya institutida faoliyat yurituvchi Xotin-Qizlar maslahat Kengashi faoliyati, uning maqsadi va vazifalari toʻgʻrisida maʼlumot berildi.

Shu bilan bir qatorda institut ichki-tartib va odob-axloq qoidalariga rioya qilish, jumladan, kiyinish madaniyati, muomala madaniyati, oʻqishdagi davomat yuzasidan tushuntirishlar berildi. 





Shuningdek, B.Nurmuhamedova va N. Abdiyevalar tomonidan talaba qizlarga Oʻzbekiston Respublikasida xotin-qizlarni qoʻllab quvvatlash, ularning huquqlarini himoya qilish va jamiyat hayotidagi rolini yanada oshirish bilan bogʻliq amalga oshirilayotgan chora-tadbirlar toʻgʻrisida maʼlumot berildi.



 

Uchrashuv soʻngida muhokama qilingan masalalar yuzasidan talaba-qizlarning savollariga javob berildi.