Toshkent moliya instituti Bank ishi fakulteti faol va talabalarning bo‘sh vaqtlarini mazmunli o‘tkazish, iqtidorli talabalarni saralab olish maqsadida joriy yilning 16-noyabr kuni  fakultet iqtidorli talabalaridan tashkil topgan guruhlar o‘rtasida “Zakovat” intellektual o‘yini o‘tkazildi.





Talabalarning shaxsiy izlanishlari va dars mashgʻulotlarida oʻtilgan mavzular boʻyicha oʻzaro bellashgan talabalar oʻzlarining zukkolik va hozirjavobliklarini namoyon etdilar. Oʻyin tashkilotchisi tomonidan tayyorlangan savollar ishtirokchilarda oʻzaro firk almashishga chorlab, oʻyinning yuqori saviyada oʻtishini taʼminladi.





O`yinda jami 7 ta jamoa ishtirok etdilar. O`zbek guruhlari o`rtasida BIA-91 guruhi talabalaridan tashkil topgan “Aristokratlar” jamoasi, rus guruhlari o`rtasida esa BIA-31 guruhidan “Humo” jamoalari g`olib bo`ldilar.

Bunday mashgʻulotlar talabalarning oʻqishdan boʻsh vaqtlarini mazmunli tashkil etish va dunyoqarashini boyitishda ahamiyatlidir.