"O‘zbek va rus tillari" kafedrasi tomonidan Rauf Parfi ijodiga bag‘ishlangan tadbir tashkil etildi
Joriy yilning 5-sentabr kuni Toshkent moliya instituti Byudjet hisobi va g‘aznachilik fakulteti "O‘zbek va rus tillari" kafedrasi tomonidan XX asr turkiy adabiyotining, xususan, o‘zbek adabiyotining sohir sheʼriyat sohibi Rauf Parfi ijodiga bag‘ishlangan "Rauf Parfi - O‘zturk" nomli tadbir bo‘lib o‘tdi.
Unda "O‘zbek va rus tillari" kafedrasi professor-o‘qituvchilari, Byudjet hisobi va g‘aznachilik fakulteti I kurs talabalari hamda tyutorlari ishtirok etishdi.
Tadbir ishtirokchilari shoirning hayoti va ijodiga to‘xtalib o‘tishdi va sheʼrlaridan parchalar keltirdi. Tadbir so‘ngida faol qatnashgan talabalarga kitob sovg‘a qilindi. Tadbir barchada katta taassurot qoldirdi.
18:38 / 2023-09-06
